عراق کی وزارتِ داخلہ نے صوبہ الانبار کے صحرائی علاقے الرطبة میں ایک بڑے سیکیورٹی آپریشن کی تفصیلات جاری کی ہیں، جس کے دوران دہشت گردوں سے بھاری مقدار میں اسلحہ، عسکری سازوسامان اور دھماکہ خیز مواد برآمد اور ضبط کیا گیا۔
یہ تین روزہ کارروائی عراقی قومی سلامتی ادارہ اور فوجی دستوں کی مشترکہ شرکت سے انجام دی گئی، جس کا مقصد سیکیورٹی کو مضبوط بنانا اور دہشت گرد گروہوں کی دوبارہ منظم ہونے کی کوششوں کو ناکام بنانا تھا۔
مڈل ایسٹ نیوز کے مطابق یہ آپریشن عراق کے وزیرِ داخلہ کی ہدایات کی روشنی میں اور صوبہ میں استحکام کو تقویت دینے کے لئے کیا گیا۔
اسی طرح الفرات نیوز نے رپورٹ کیا ہے کہ وزارتِ داخلہ نے دہشت گردوں کے تعاقب اور ان کے خفیہ ٹھکانوں کی صفائی کا عمل جاری رکھنے پر زور دیتے ہوئے کہا ہے کہ یہ کارروائی شہریوں کے تحفظ اور ملک کے حساس علاقوں میں دہشت گرد خطرات کا مؤثر مقابلہ کرنے کے لئے ایک واضح پیغام ہے۔
