اتراکھنڈ کے شہر کوتدوار میں ایک بزرگ مسلم دکاندار کو ہندوتوا عناصر کی ہراسانی سے بچانے والے نوجوان دیپک کمار کو واقعے کے بعد مسلسل دھمکیوں اور دباؤ کا سامنا ہے، جس کے باعث ان کا خاندان شدید خوف اور ذہنی دباؤ میں مبتلا ہے۔
26 جنوری کو پیش آنے والے واقعے میں دیپک نے 70 سالہ دکاندار وکیل احمد کا دفاع کیا تھا، تاہم بعد ازاں ان کے خلاف احتجاج ہوا اور تین ایف آئی آر درج کی گئیں۔
دیپک کا کہنا ہے کہ وہ کسی سیاسی یا مذہبی تنازع کا حصہ نہیں بننا چاہتے بلکہ انسانیت اور آئینی اقدار کے تحت ایک بزرگ کی مدد کی، اور انہوں نے انتظامیہ سے شہریوں کے تحفظ کو یقینی بنانے کا مطالبہ کیا ہے۔
