نائجیریہ کی فوج نے سامبیسا کے جنگلات میں ایک نہایت ہدفی اور مؤثر کارروائی کے دوران سنی شدت پسند دہشت گرد گروہ بوکوحرام کے اہم کمانڈر "ابوخالد” اور اس کے مزید 10 ارکان کو ہلاک کر دیا۔
ابوخالد، جو سامبیسا میں بوکوحرام کی قیادت میں دوسرے نمبر پر تھا، دہشت گردانہ کارروائیوں کی ہم آہنگی اور لاجسٹک انتظامات کا ذمہ دار تھا اور اس غیرقانونی گروہ کے کلیدی کرداروں میں شمار ہوتا تھا۔
یہ کارروائی سرکاری افواج کے کسی جانی نقصان کے بغیر انجام پائی، جو شمال مشرقی نائجیریہ میں دہشت گردی کے خلاف مسلسل اور منظم اقدامات کی عکاسی کرتی ہے۔
خبر رساں ادارے رائٹرز کے مطابق، سنی شدت پسند گروہ بوکوحرام دو ہزار کی دہائی کے اوائل سے سرگرم ہے اور اس کے حملوں کے نتیجے میں اب تک دسیوں ہزار افراد ہلاک ہو چکے ہیں۔
سنہ 2015 کے بعد اس گروہ کی سرگرمیاں ہمسایہ ممالک کامرون، چاڈ اور نائجر تک پھیل گئیں، جس کے باعث کم از کم دو ہزار افراد جان سے گئے اور جھیل چاڈ کے علاقے میں سینکڑوں ہزار افراد بے گھر ہو گئے۔
انسانی حقوق کے ماہرین نے اس امر پر زور دیا ہے کہ اس گروہ کے تشدد کا شکار ہونے والوں کی اکثریت خود مسلمان افراد پر مشتمل ہے۔
