عالمی یومِ حجاب؛ مسلم خواتین کے ساتھ عالمی یکجہتی اور امتیاز و اسلاموفوبیا کے خلاف جدوجہد کا موقع

یکم فروری کو دنیا بھر میں عالمی یوم حجاب منایا جاتا ہے۔

یہ موقع مسلم خواتین کے حجاب اختیار کرنے کے حق کو اجاگر کرنے اور امتیازی سلوک و اسلاموفوبیا کے خلاف آواز بلند کرنے کے لئے منایا جاتا ہے۔

اس مناسبت کا مقصد عالمی برادری کو عوامی مقامات پر باحجاب خواتین کی زندگی کی حقیقتوں سے آگاہ کرنا اور حجاب کی اہمیت کو شناخت، وقار اور ذاتی انتخاب کی علامت کے طور پر سمجھنا ہے۔

اسلامک ریلیف کی رپورٹ کے مطابق، مسلم خواتین حجاب کے ذریعہ مختلف معاشروں میں اسلامی تعلیمات کی ایک نمایاں علامت ہوتی ہیں، اور اسلاموفوبیا میں اضافہ کے باعث وہ اکثر نگرانی، ہراسانی اور امتیازی سلوک کا سامنا کرتی ہیں۔

اس سال کی مہم #UnityInHijab (حجاب کے ساتھ عالمی یکجہتی) کے نعرے کے تحت تمام خواتین سے اپیل کرتی ہے کہ وہ مسلم خواتین کے شانہ بشانہ کھڑی ہوں، ان کی آواز کو تقویت دیں اور ان ڈھانچوں کو چیلنج کریں جو امتیاز کو برقرار رکھتے ہیں۔

ماہرین کا کہنا ہے کہ یہ دن محض علامتی نہیں ہونا چاہیے، بلکہ عملی اقدامات، قانونی تحفظ اور امتیازی پالیسیوں و رویّوں کے خلاف مؤثر کارروائی کا متقاضی ہے، تاکہ مسلم خواتین معاشرے میں مکمل تحفظ، وقار اور آزادی کے ساتھ زندگی گزار سکیں۔