حقیقی امن اس وقت تک ممکن نہیں جب تک انسانیت خود کے خلاف جنگ کرتی رہے : پاپ لئو چہاردہم
پاپ لئو چہاردہم نے کانفرنس "سیاسی اختراع: ایک انسانیت، ایک سیارہ” سے خطاب کرتے ہوئے نوجوانوں پر زور دیا کہ حقیقی امن اسی وقت ممکن ہے جب انسانیت اپنے خلاف جنگ ترک کر دے اور عدل، ہمدردی اور ضرورت مندوں کی حمایت کو ترجیح دی جائے۔
انہوں نے نوجوانوں کے اس کردار کو نمایاں کیا کہ وہ مختلف ثقافتوں، قوموں اور مذاہب کے درمیان ہم آہنگی اور تعاون کو فروغ دیں، اور انہیں روزمرہ زندگی، تعلیمی اداروں اور کام کی جگہوں پر امن و ہمزیستی کے قیام کے لئے مسلسل جدوجہد کی ترغیب دی۔
گلوبل نیوز کے حوالے سے پاپ لئو نے سماجی انصاف، انسانی حقوق کے احترام اور محروم طبقات، مہاجرین اور متاثرہ افراد کی حمایت کی اہمیت پر زور دیا، اور کہا کہ ایسی پالیسیاں اور اقدامات جو کمزور اور ضرورت مند افراد کو نظرانداز کریں، عوام اور معاشرے کی خدمت نہیں کر سکتے۔
انہوں نے نوجوانوں کو ایک عادلانہ اور پُرامن دنیا کی تعمیر کا ذمہ دار قرار دیا اور ان سے مطالبہ کیا کہ وہ امید اور امن کے حصول کی جدوجہد کو اپنی سرگرمیوں کا محور بنائیں۔
