این ایچ کے اور یونیورسٹی محققین نے بجلی پیدا کرنے والا او ایل ای ڈی ڈسپلے آلہ تیار کر لیا

جاپانی نشریاتی ادارے این ایچ کے اور چیبا و کیوتو یونیورسٹی کے محققین نے ایک ایسا جدید او ایل ای ڈی ڈسپلے تیار کر لیا ہے جو تصاویر دکھانے کے ساتھ ساتھ روشنی سے بجلی بھی پیدا کر سکتا ہے۔

یہ شیشے پر مبنی آلہ خصوصی سیمی کنڈکٹر عناصر سے لیس ہے اور سرخ، سبز اور پہلی بار نیلی روشنی خارج کرنے کی صلاحیت رکھتا ہے۔

محققین کے مطابق یہ ٹیکنالوجی کم توانائی استعمال کرنے والے ڈسپلے اور ہنگامی حالات میں روشنی سے چارج ہونے والے اسمارٹ فونز کی تیاری میں مددگار ثابت ہو سکتی ہے۔

اس تحقیق کو سائنسی جریدے نیچر کمیونیکیشنز میں شائع کیا گیا ہے۔