آیت اللہ العظمیٰ شیرازی: کچھ فقہاء نے کہا ہے کہ خبر واحد احکام اور موضوعات میں حجت ہے

آیت اللہ العظمیٰ سید صادق حسینی شیرازی کا روزانہ علمی اجلاس جمعرات کو منعقد ہوا۔

اس اجلاس میں پچھلے اجلاسوں کی طرح معظم لہ نے حاضرین کے مختلف فقہی مسائل سے متعلق سوالات کے جوابات دیے۔

آیت اللہ العظمیٰ شیرازی نے خبر واحد کے تصور کے بارے میں فرمایا: خبر واحد کا مطلب ایک عادل کی خبر ہے۔

معظم لہ نے تاکید کی: جو چیز تقریباً اجماعی ہے نہ کہ تحقیقاً، یہ ہے کہ خبر واحد احکام میں حجت ہے نہ کہ موضوعات میں۔

انہوں نے مزید فرمایا: لیکن کچھ فقہاء نے یہ بھی کہا ہے کہ موضوعات میں بھی خبر واحد حجت ہے اور اس کے موارد بھی کم نہیں ہیں اور میرا نقطہ نظر بھی یہی ہے۔