اٹلی میں معارفِ علوی پر دو تحقیقی کتابوں کی رسم اجراء
ماہِ رجب کی آمد اور امیرالمؤمنین امام علی علیہالسلام کی ولادت باسعادت کے ایام کے موقع پر اٹلی میں شخصیت اور معارفِ علوی سے متعلق دو تحقیقی کتابوں کی رسم اجراء کی گئی۔
بین الاقوامی خبر رساں اداروں کی رپورٹس کے مطابق، اطالوی اسلام شناس اور مصنف آنجلو ترنتزونی کی تصنیف «امام علی علیہالسلام اور ان کا پیغام» کو نئی تدوین و نظرثانی کے ساتھ شائع کیا گیا ہے۔
اسی طرح پروفیسر آنتونیو پلیتری کا تحقیقی رسالہ «امام علی: بحیثیت انسان، خلیفہ اور امام» بھی پیش کیا گیا۔ یہ دونوں علمی و تحقیقی آثار امیرالمؤمنین حضرت علی علیہالسلام کی توحیدی اور اخلاقی تعلیمات کا تعارف کراتے ہیں اور اطالوی علمی و جامعاتی حلقوں میں معارفِ علوی کی ایک دقیق، مستند اور حقیقی تصویر پیش کرنے کی کوشش کرتے ہیں۔
یہ تصانیف بالخصوص اسلامیات اور ایران شناسی کے مطالعے میں دلچسپی رکھنے والے قارئین کو مخاطب بناتی ہیں۔
