استیجاری نماز و روزۂ کے لئے اجیر کا عادل ہونا ضروری نہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 8 رجب 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے استیجاری نماز اور روزہ کے بعض احکام کے بارے میں فرمایا: استیجاری نماز و روزہ ادا کرنے والے فرد کے لئے عادل ہونا لازم نہیں ہے۔

معظم لہ نے مزید فرمایا: اگرچہ وہ شخص فاسق ہی کیوں نہ ہو، لیکن اگر اس بات کا اطمینان حاصل ہو جائے کہ وہ استیجاری نماز اور روزہ کو صحیح طریقہ سے انجام دے گا، تو اسے اجیر بنانے میں کوئی شرعی حرج نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔