برطانوی مسلم تجزیہ کار کے خلاف اسلام دشمن توہین اور دھمکیوں کی لہر

برطانوی مسلم تجزیہ کار اور سماجی کارکن فہیمہ محمد نے انکشاف کیا ہے کہ میڈیا پروگراموں جیسے "گڈ مارننگ” اور "جی بی نیوز” میں شرکت کے بعد انہیں اسلام دشمن توہین اور دھمکیوں کا وسیع پیمانے پر سامنا کرنا پڑا۔

شیعہ خبر رساں ایجنسی نے برطانیہ کے ادارے 5Pillars UK کے حوالے خبر دی کہ فہیمہ محمد نے کہا کہ یہ منفی ردِعمل خاص طور پر ان کے مسلمان ہونے اور براہِ راست ٹیلی ویژن پر حجاب کے ساتھ ظاہر ہونے کی وجہ سے شدت اختیار کر گیا۔

ان حملوں میں نفرت انگیز پیغامات، دھمکی آمیز ای میلز اور ان کی پیشہ ورانہ ساکھ کو نقصان پہنچانے کی کوششیں شامل ہیں۔

انہوں نے میڈیا مباحث میں مسلمانوں کو اجتماعی طور پر موردِ الزام ٹھہرانے کے رجحان پر بھی تنقید کی۔