مرتد وہ ہے جو توحید، نبوت یا معاد کا منکر ہو: آیۃ اللہ العظمیٰ شیرازی

مرتد وہ ہے جو توحید، نبوت یا معاد کا منکر ہو: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور اتوار 7رجب 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے ائمہ اطہار علیہم السلام میں سے کسی ایک امام کے وجود کا انکار کرنے والے شیعوں کے مرتد ہونے کے حکم کے سلسلہ میں پوچھے گئے سوال کے جواب میں فرمایا: ایسے افراد پر مرتد کا حکم لاگو نہیں ہوتا۔

معظم لہٰ نے مزید وضاحت کرتے ہوئے فرمایا: مرتد وہ شخص ہے جو توحید، نبوت یا معاد کا انکار کرے۔

آپ نے یہ بھی تاکید فرمائی کہ اگر یہ انکار ایسے حالات میں ہو جہاں لوگوں کی ایک بڑی تعداد کسی خاص شبہہ میں مبتلا ہو، تو بھی وہ ارتداد کا سبب نہیں ہو گا۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔