دفتر آیۃ اللہ العظمیٰ شیرازی اور اس سے وابستہ مراکز کی افغانستان کے ضرورت مندوں کی حمایت میں وسیع سرگرمیاں
دفتر مرجعِ عالی قدر آیۃ اللہ العظمیٰ سید صادق حسینی شیرازی اور مرجعیت سے وابستہ مراکز کی جانب سے افغانستان میں انسان دوست اور ثقافتی سرگرمیوں کا ایک وسیع سلسلہ انجام دیا گیا۔
شہر کابل میں واقع دارالایتام مجتمع حضرت فاطمہ زہرا علیہا السلام نے شہداء اور ضرورت مند خاندانوں کے 50 سے زائد یتیم بچوں میں نقد امداد تقسیم کی۔
اسی طرح حضرت امام علی نقی علیہ السلام اور حضرت امام محمد باقر علیہ السلام کی ولادت باسعادت کے ایام کی مناسبت سے، اس مرکز نے بنیادِ خیریۂ شہداء کے تعاون سے 200 سے زائد ضرورت مند بچوں میں گرم کپڑے تقسیم کیے۔
اسی دوران صوبہ بلخ کے ضلع دهدادی میں، 20 جمادی الثانی کو دارالقرآن حضرت قمر بنی ہاشم علیہ السلام میں حضرت فاطمہ زہرا علیہا السلام کی ولادت کے موقع پر جشنِ میلاد منعقد کیا گیا۔
یہ تقریب اہلِ بیت علیہم السلام سے محبت رکھنے والے افراد کی شرکت اور مزار شریف میں دفتر مرجعیت کی کاوشوں سے انجام پائی۔
ان ہی ایام میں مزار شریف میں واقع دفتر آیۃ اللہ العظمیٰ شیرازی نے مؤسسۂ ثقافتی و خیریہ المصطفیٰ صلی اللہ علیہ وآلہ کے تعاون سے ضرورت مند خاندانوں میں کوئلے کی تقسیم کے پہلے مرحلے کا آغاز کیا، نیز غریبوں میں غذائی پیکجز بھی تقسیم کیے گئے۔
ان امدادی سرگرمیوں کے تسلسل میں، دفترِ مرجعیت نے مزار شریف میں سینکڑوں ضرورت مند مریضوں کے لیے مفت طبی اور علاج معالجے کی خدمات فراہم کرنے کا منصوبہ بھی عملی جامہ پہنایا۔
