شام
شام میں بدامنی کے اسباب؛ امریکہ اور ترکی کی رقابت، کردوں اور نئی حکومت کی کشمکش، داعش کے خطرے کی دوبارہ واپسی
شام میں حالیہ بدامنی سے متعلق رپورٹس کے مطابق ملک کو درپیش سکیورٹی بحران محض داخلی جھڑپوں کا نتیجہ نہیں بلکہ امریکہ اور ترکی کی باہمی رقابت، مسلح گروہوں کے اندرونی اختلافات اور سکیورٹی خلا سے جڑا ہوا ہے۔
ذرائع کے مطابق حلب میں حالیہ جھڑپیں واشنگٹن اور انقرہ کے درمیان جاری پوشیدہ کشمکش کی عکاس ہیں، جہاں دونوں ممالک مختلف فریقوں کی حمایت کرتے دکھائی دیتے ہیں۔
ترکی کرد تنظیموں کے خلاف دباؤ کی پالیسی جاری رکھے ہوئے ہے، جبکہ تجزیہ کار اسرائیل کے کردار کو بھی مشکوک بتاتے ہیں۔
ادھر مسلح سنی گروہوں کے اندر اختلافات اور ہیئت تحریر الشام کی پالیسی میں تبدیلی کے بعد شدت پسند تنظیم داعش کی دوبارہ سرگرمیوں کے آثار سامنے آئے ہیں۔
ماہرین کے مطابق ان تمام عوامل کے باعث شام میں پائیدار امن و استحکام کا قیام تاحال غیر یقینی ہے۔
