فرانس کی وزارت داخلہ کی ویب سائٹس پر سائبر حملہ، حساس ڈیٹا تک رسائی

فرانس کی وزارت داخلہ کی ویب سائٹس پر سائبر حملہ، حساس ڈیٹا تک رسائی

فرانس کی وزارت داخلہ کی ویب سائٹس پر سائبر حملہ ہوا جس کے باعث حساس ڈیٹا لیک ہوگیا۔
بین الاقوامی خبر رساں ادارے کی رپورٹ کے مطابق فرانس کی وزارتِ داخلہ کی جانب سے اس حوالے سے تصدیق کی گئی ہے کہ سائبر حملہ ہوا ہے، جس کے نتیجے میں وزارت کے پیشہ ورانہ ای میل اکاؤنٹس متاثر ہوئے اور حساس سرکاری ڈیٹا تک رسائی حاصل کی گئی۔

فرانس کے وزیر داخلہ کے مطابق یہ واقعہ ابتدائی اندازوں سے کہیں زیادہ سنگین ہے۔ اب یہ واضح ہو چکا ہے کہ ڈیٹا متاثر ہوا ہے، تاہم اس کی مکمل نوعیت کا ابھی تعین نہیں ہو سکا۔

وزیر داخلہ کا کہنا ہے کہ سائبر حملے میں وزارت کے بعض پیشہ ورانہ ای میل اکاؤنٹس تک رسائی حاصل کی گئی جس کے بعد وہ متعدد اہم فائلیں دیکھنے میں کامیاب ہو گئے۔

رپورٹس کے مطابق ان فائلوں میں فوجداری ریکارڈ پروسیسنگ سسٹم اور مطلوب افراد کی فہرست (FPR) بھی شامل تھا۔

فرانسیسی حکام نے سائبر حملے کے بعد ایک 22 سالہ مشتبہ شخص کو گرفتار کرلیا جس سے تحقیقات شروع کردی گئی ہیں۔