طیارہ ہائی وے پر چلتی کار پر گر گیا
طیارہ ہائی وے پر چلتی کار پر گر گیا
فلوریڈا میں ایک چھوٹا طیارہ ہائی وے پر ہنگامی لینڈنگ کے دوران کار پر گر گیا، جس کی ویڈیو سوشل میڈیا پر وائرل ہورہی ہے۔
غیر ملکی ذرائع ابلاغ کے مطابق فلوریڈا میں سنگل انجن بیچ کرافٹ 55 طیارے میں دو 27 سالہ افراد سوار تھے۔ پائلٹ نے انجن میں خرابی کی اطلاع دی اور ہنگامی لینڈنگ کی کوشش کی۔
تاہم اس کوشش کے دوران طیارہ ایک کار پر گر گیا، حادثے میں 57 سالہ خاتون ڈرائیور زخمی ہوئیں جنہیں اسپتال منتقل کردیا گیا۔ خوش قسمتی سے پائلٹ اور اس کا ساتھی محفوظ رہے۔
حادثے کے بعد شاہراہ پر گاڑیوں کی لمبی قطاریں لگ گئیں، جبکہ ایمرجنسی ٹیموں نے ملبہ ہٹانے کے لیے کئی گھنٹے کارروائی جاری رکھی۔
رپورٹس کے مطابق سامنے آنے والی تصاویر میں طیارہ شاہراہ کے بیچ موجود میڈین پر پھنسا ہوا دیکھا جا سکتا ہے جبکہ آس پاس سڑک بھر میں ملبہ بکھرا ہوا تھا۔
پولیس کا کہنا ہے کہ طیارے کے انجن کی خرابی کی وجوہات کی تحقیقات جاری ہیں۔
