عراقماتمی انجمنیں اور حسینی شعائر
ہیئتِ خَدَمۂ اہلبیت علیہم السلام کی جانب سے کربلا میں ایام عزائے فاطمی کی مجالس عزا کا سلسلہ جاری
کربلا معلّی میں دفتر آیۃ اللہ العظمیٰ سید صادق حسینی شیرازی دام ظلہ سے وابستہ ہیئتِ خَدَمۂ اہلبیت علیہم السلام حضرت فاطمہ زہرا سلام اللہ علیہا کے ایام شہادت کی مجالس عزا کا سلسلہ مسلسل جاری رکھے ہوئے ہے۔ یہ مجالس عزا مؤمنینِ کربلا کے گھروں میں منعقد کی جاتی ہیں۔
محبان اہلِ بیت علیہم السلام، نیز دینی و ثقافتی شخصیات—جن میں دفترِ مرجعیت کے نمائندہ وفد کے اراکین بھی شامل ہیں—ان مجالس عزا میں شرکت کرتے ہیں۔
اس ہیئت کی جانب سے ایامِ شہادتِ حضرت فاطمہ زہرا سلام اللہ علیہا کی مناسبت سے منعقد ہونے والی یہ مجالس 20 ربیع الاول کو شروع ہوئی تھیں اور 90 دن تک جاری رہیں گی۔
