پاکستان: اسلام آباد سمیت پاکستان کے دیگر اضلاع میں موسم سرد اور خشک رہنے کا امکان

پاکستان: اسلام آباد سمیت پاکستان کے دیگر اضلاع میں موسم سرد اور خشک رہنے کا امکان

پاکستان کی دارالحکومت سمیت ملک کے بیشتر علاقوں میں موسم سرد اور خشک رہنے جبکہ پہاڑی علاقوں میں صبح / رات کے اوقات میں شدید سرد رہنے کا امکان ظاہر کیا گیا ہے۔ 
محکمہ موسمیات کے مطابق پشاور،صوابی،مردان،ڈی آئی خان اور گردونواح میں صبح کے اوقات میں چند مقامات پر ہلکی سے درمیانی دھند کی توقع ہے۔
اسی طرح بلوچستان کے بیشتر اضلاع میں موسم سرداورخشک جبکہ شمالی اضلاع میں صبح / رات کے اوقات میں شدید سرد رہنے کی توقع  ہے۔ جبکہ سندھ کے بیشتر اضلاع میں موسم خشک جبکہ رات/صبح میں سرد رہنے کا امکان  ہے۔ 
محکمہ موسمیات کے مطابق پنجاب کے بیشتر اضلاع میں موسم سرد اورخشک رہنے کا امکان  ہے۔ مری، گلیات اور گردو نواح میں موسم سرداورخشک رہنے کا امکان ہے۔
اسی طرح سیالکوٹ،نارووال، لاہور، شیخوپورہ، گوجرانوالہ،گجرات، جہلم،فیصل آباد، جھنگ، ٹو بہ ٹیک سنگھ ، ساہیوال،ملتان،خانیوال، لیہ،کوٹ ادو ،بہاولپور اور گردونواح میں صبح کے اوقات میں دھند / سموگ پڑنے کا امکان  ہے۔
رپورٹ کے مطابق کشمیر اور  گلگت بلتستان میں موسم سرداورخشک جبکہ صبح / رات کے اوقات میں شدید سرد رہنے کا امکان  ہے۔
 محکمہ موسمیات کےمطابق آج کم سے کم درجہ حرارت  سکردو منفی 11 ، لہہ منفی 09، گلگت منفی 06،زیارت، بابوسر ،گوپس، قالات منفی 04، استور منفی 03 اور کوئٹہ میں منفی02 ڈگری سینٹی گریڈ ریکارڈ کیا گیا ۔