دنیا کے مختلف ممالک میں آیۃ اللہ العظمیٰ شیرازی کے دفتر سے وابستہ مراکز میں حضرت فاطمہ زہرا سلام اللہ علیہا کی شہادت کی مناسبت سے مجالس عزا
دنیا کے مختلف ممالک میں آیۃ اللہ العظمیٰ شیرازی کے دفتر سے وابستہ مراکز میں حضرت فاطمہ زہرا سلام اللہ علیہا کی شہادت کی مناسبت سے مجالس عزا
حضرت فاطمہ زہرا سلام اللہ علیہا کے ایام شہادت کے موقع پر دنیا کے مختلف ممالک میں آیۃ اللہ العظمیٰ شیرازی کے دفتر سے منسلک مراکز میں مجالسِ عزا منعقد کی گئیں۔
شیعہ خبر رساں ایجنسی کے مطابق قم میں حسینیہ دارالحسین علیہ السلام سے بیت آیۃ اللہ العظمیٰ شیرازی تک حضرت زہرا سلام اللہ علیہا کا شبیہ تابوت برآمد کیا گیا۔ جہاں آیۃ اللہ سید حسین شیرازی نے عزاداروں کا استقبال کیا۔
لندن میں حسینیہ حضرت رسول اعظم صلی اللہ علیہ وآلہ نے مختلف حسینی انجمنوں اور آیۃ اللہ العظمیٰ شیرازی کے وکلاء کی میزبانی کی۔
دمشق میں حوزۂ علمیہ زینبیہ اور اس کے شعبۂ خواتین میں قرآن خوانی، شرعی احکام کا بیان اور حضرت زہرا سلام اللہ علیہا کے گھر پر حملے کی منظر کشی پیش کی گئی۔
اسی طرح کربلا میں دفترِ مرجعیت کی جانب سے دو مجالس کا اہتمام کیا گیا جن میں خطابات اور تلاوتِ قرآن شامل تھے۔
نجف اشرف کے مرکز مطالعاتِ راهبردی میں بھی حجۃ الاسلام شیخ کاظم الشمری کی موجودگی میں مجلس عزا منعقد ہوئی۔
یہ تمام پروگرام حضرت فاطمہ زہرا سلام اللہ علیہا کے بلند مقام کی تعظیم اور شیعہ دنیا میں حسینی ثقافتِ عزاداری کے فروغ کے مقصد سے منعقد کئے گئے۔
