ملائیشیا کا بڑا فیصلہ: 16 سال سے کم عمر بچوں کے سوشل میڈیا استعمال پر پابندی کا اعلان

ملائیشیا کا بڑا فیصلہ: 16 سال سے کم عمر بچوں کے سوشل میڈیا استعمال پر پابندی کا اعلان

ملائیشیا نے 16 سال سے کم عمر بچوں کے لیے سوشل میڈیا کے استعمال پرپابندی عائد کرنے کا فیصلہ کیا ہے۔ملائیشیا کے وزیر مواصلات نے اعلان کیا ہےکہ آئندہ سال سے 16 سال سےکم عمربچوں کے لیے سوشل میڈیا کے استعمال پرپابندی عائد کی جائےگی۔
وزیر مواصلات کا کہنا تھا کہ حکومت آسٹریلیا اور دیگر ممالک میں سوشل میڈیا کے استعمال کے لیے عمر کی حد کے طریقہ کار کا جائزہ لے رہی ہے تاکہ نوجوانوں کو سائبر کرائم، مالی فراڈ اور جنسی استحصال جیسےآن لائن خطرات سے بچایا جاسکے۔
انہوں نے امید ظاہر کی کہ آئندہ سال سے سوشل میڈیا کمپنیاں حکومتی فیصلے پر عمل کرتے ہوئے 16 سال سےکم عمر صارفین کے اکاؤنٹس بنانے پر پابندی لگائیں گی۔
خیال رہےکہ دنیا بھر میں کم عمر صارفین کی ذہنی صحت پر سوشل میڈیا کے منفی اثرات کے خدشات بڑھ رہے ہیں۔
رواں ماہ ہی ڈنمارک نے 15 سال سےکم عمر بچوں پر سوشل میڈیا پلیٹ فارمز کے استعمال پر پابندی عائد کرنےکا فیصلہ کیا ہے۔ گزشتہ سال آسٹریلیا میں بھی 16 سال سے کم عمر بچوں کے سوشل میڈیا استعمال پر پابندی کا بل منظور کیا گیا تھا، اس حوالے سے امریکا میں سوشل میڈیا کمپنیوں کے خلاف مقدمات بھی دائر کیے جا چکے ہیں۔