هندوستان: جونپور میں وقف زمین پر سڑک کی تعمیر کا تنازعہ شدت اختیار کر گیا

هندوستان: جونپور میں وقف زمین پر سڑک کی تعمیر کا تنازعہ شدت اختیار کر گیا

جونپور/جعفرآباد: تاریخی امام بارگاہ شاہ کا پنجہ (بابوپور) کی وقف زمین پر جاری سڑک تعمیر کو لے کر اتوار کے روز بڑا تنازعہ کھڑا ہو گیا۔ شیعہ برادری کے لوگوں نے تعمیراتی کام رکوایا اور الزام لگایا کہ وقف کی زمین پر بغیر اجازت سڑک کا بجٹ پاس کرکے کام شروع کر دیا گیا ہے، جو مذہبی مقامات کے اصولوں کے خلاف ہے۔

مقامی لوگوں کا کہنا ہے کہ 20 رمضان کو حضرت علی علیہ السلام کی شہادت کی یاد میں نکلنے والا جلوس کی آخری منزل یہی امام بارگاہ ہوتی ہے، جہاں مغرب کی نماز اور افطار برسوں سے منعقد ہوتے آئے ہیں۔ ایسے میں وقف زمین پر سڑک کی تعمیر کو لے کر برادری میں ناراضگی بڑھ گئی ہے۔

مُتَوَلِّی تحسین شاہد نے اٹھائی آواز

امام بارگاہ کے مُتَوَلِّی تحسین شاہد نے بتایا کہ اس معاملے کی تحریری شکایت وزیراعلیٰ، ڈی ایم، ایس پی اور جن سنوائی پورٹل پر بھی بھیج دی گئی ہے۔

ان کا کہنا ہے کہ مذہبی وقف زمین پر کسی بھی قسم کی تعمیر صرف وقف بورڈ کی اجازت سے ہی ممکن ہے۔

پولیس نے مداخلت کرکے کام رکوایا

موقع پر پہنچے تھانہ انچارج جعفرآباد، شری پرکاش شکلا نے دونوں فریقوں سے بات کرکے صورتحال کو پرسکون کیا۔ انہوں نے ایک ہفتے کا وقت دیتے ہوئے کہا کہ ریونیو ٹیم زمین کی ناپ لے گی اور اس کے بعد ہی فیصلہ ہوگا کہ تعمیر قانونی ہے یا نہیں۔ دونوں فریقوں نے انتظامیہ کے اس فیصلے کو قبول کر لیا۔

سوال: کیا ڈوڈا (DUDA) بغیر اجازت کسی بھی زمین پر سڑک کا بجٹ پاس کر سکتا ہے؟

مقامی لوگوں نے ڈوڈا کی کارروائی پر بھی سوالات اٹھائے ہیں۔

قواعد کے مطابق کسی بھی زمین، خصوصاً وقف، مندر، مسجد یا کسی مذہبی ادارے کی زمین پر سرکاری تعمیر بغیر ملکیت کی تصدیق اور متعلقہ بورڈ/ٹرسٹ کی اجازت کے نہیں کی جا سکتی۔

کسی بھی ایجنسی کا بغیر زمین کی تصدیق کے بجٹ پاس کرنا طریقۂ کار کے خلاف سمجھا جاتا ہے۔

کمیشن یا گٹھ جوڑ کے الزامات صرف مقامی لوگوں کے شبہات ہیں، جنہیں ثابت کرنے کے لئے تحقیق ضروری ہے۔