حضرت فاطمہ زہرا سلاماللہعلیہا کی شہادت کی مناسبت سے روس میں مجالس عزا منعقد کی گئیں۔
شیعہ خبر رساں ایجنسی کے مطابق، یہ پروگرام روس میں مقیم شیعہ اسٹوڈنٹس کی کوششوں سے، "امام حسین سب کے لئے” عالمی مہم کی حمایت اور متعدد مذہبی انجمنوں جیسے ہیئت اہلالبیت علیہمالسلام اور حسینیہ سفینةالنجاة، شہر وولگوگراد کی باہمی تعاون سے منعقد ہوا۔
یہ مجالس عزا 3 زبانوں — روسی، عربی اور آذری — میں منعقد ہوئیں۔
ان مجالس عزا میں قرآنِ کریم کی تلاوت، حضرت فاطمہ زہرا سلاماللہعلیہا کی عظیم الشان شخصیت کے سلسلہ میں دینی و معرفتی تقاریر اور نوحہ خوانی و مداحی مختلف زبانوں میں شامل ہوئیں۔
علماء و اساتذہ نے اپنی تقاریر میں حضرت زہرا سلاماللہعلیہا کے روحانی و تاریخی کردار اور راہِ رسالت و ولایت کی تداوم میں ان کے مقام پر روشنی ڈالی، اور روزمرہ زندگی میں ان کی سیرت سے رہنمائی لینے کی ضرورت پر زور دیا۔
"امام حسین سب کے لئے” عالمی مہم کے منتظمین نے کہا کہ ان مجالس عزا کا مقصد روحانی فضا قائم کرنا، نوجوان نسل کا اہلبیت علیہمالسلام سے تعلق مضبوط کرنا اور یونیورسٹیز و علمی مراکز میں شیعہ ثقافتی سرگرمیوں کو فروغ دینا ہے۔
قابلِ ذکر ہے کہ روس میں مزید ثقافتی اور تبلیغی پروگراموں کی منصوبہ بندی بھی جاری ہے۔
