اٹلی کی یونیورسٹی میں پہلی مسجد کا افتتاح اور دائیں بازو کی جماعت کا ردِعمل
اٹلی کی یونیورسٹی میں پہلی مسجد کا افتتاح اور دائیں بازو کی جماعت کا ردِعمل
اٹلی کے صوبہ کاتانزارو میں واقع ماگنا گریشیا یونیورسٹی میں اٹلی کی پہلی یونیورسٹی مسجد کا افتتاح ہوا۔ یہ مسجد طلبہ کے لئے نماز، مذہبی تقاریر اور دینی تقریبات کے انعقاد کے لئے ایک مخصوص جگہ فراہم کرتی ہے۔
شیعہ خبر رساں ایجنسی نے فاکس نیوز اور مقامی ذرائع کے حوالے سے رپورٹ دی ہے کہ یونیورسٹی کا مقصد اس اقدام کے ذریعہ مختلف ثقافتوں اور معاشروں کے درمیان مکالمہ اور باہمی روابط کو فروغ دینا ہے۔
تاہم، دائیں بازو کی جماعت “لیگا پارٹی” نے اپنے نمائندے روسانو ساسو کے ذریعہ اس اقدام کو اٹلی کے اسلامائزیشن (اسلامی اثر) کی جانب خطرناک قدم قرار دیا ہے اور کہا ہے کہ یہ معاملہ وزیرِ تعلیم و جامعات سے رسمی طور پر پوچھا جائے گا۔
یونیورسٹی کے صدر جوانّی کودا نے مسجد کے افتتاح کو جامعہ میں ثقافتی اور مذہبی تنوع کے احترام کی علامت قرار دیا اور زور دیا کہ مذہبی سرگرمیاں تعلیمی پروگراموں میں مداخلت کے بغیر انجام پائیں گی۔
یونیورسٹی کو امید ہے کہ یہ نیا دینی و ثقافتی مقام مختلف مذاہب اور پس منظر رکھنے والے طلبہ کے درمیان باہمی احترام اور مکالمے کے فروغ کا باعث بنے گا۔
