رسولِ خدا صلی اللہ علیہ وآلہ کی خلقت حقیقی معنوں میں پہلی ہے، جبکہ عقل کی خلقت اضافی معنوں میں پہلی ہے: آیۃ اللہ العظمیٰ شیرازی

رسولِ خدا صلی اللہ علیہ وآلہ کی خلقت حقیقی معنوں میں پہلی ہے، جبکہ عقل کی خلقت اضافی معنوں میں پہلی ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 11 ربیع الثانی 1447 ہجری کو منعقد ہوا۔

جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے “اللہ کی پہلی مخلوق” کے موضوع پر دو حدیثوں کی روشنی میں فرمایا: ایک روایت میں نبیِ اکرم صلی اللہ علیہ وآلہ سے منقول ہے کہ اللہ کی سب سے پہلی مخلوق آپ کا نور تھا، اور دوسری روایت میں آیا ہے کہ اللہ کی پہلی مخلوق عقل ہے۔

معظم لہ نے مزید فرمایا: علامہ مجلسیؒ نے بحارالانوار اور دیگر علما نے اس بارے میں فرمایا ہے کہ رسولِ خدا صلی اللہ علیہ وآلہ کی خلقت “اولِ حقیقی” ہے، اور عقل کی خلقت “اولِ اضافی” ہے۔

انہوں نے تاکید فرمائی: اس کا مطلب یہ ہے کہ نبیِ اکرم صلی اللہ علیہ وآلہ کے نور کے بعد، تمام دیگر مخلوقات میں عقل کی خلقت سب سے پہلے ہوئی۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔