کورونا وائرس کی نئی قسم "اسٹریٹس” برطانیہ میں تیزی سے پھیلنے لگی

کورونا وائرس کی نئی قسم "اسٹریٹس” برطانیہ میں تیزی سے پھیلنے لگی

برطانیہ میں کورونا وائرس کی نئی قسم “اسٹریٹس” تیزی سے پھیلنے لگی لندن: برطانیہ میں کورونا وائرس کی نئی قسم “اسٹریٹس” تیزی سے پھیل رہا ہے۔ جس سے متاثرہ افراد کی تعداد تیزی سے بڑھ رہی ہے۔

غیر ملکی خبر رساں ایجنسی کے مطابق کورونا کے اس ویرینٹ کی 2 اقسام سامنے آئی ہیں۔ جن میں ایکس ایف جی اور ایکس ایف جی تھری شامل ہیں۔ برطانوی محکمہ صحت کے مطابق 10 ستمبر تک برطانیہ میں کورونا کیسز میں 7.6 فیصد اضافہ ریکارڈ کیا گیا۔ لیکن یہ واضح نہیں ہو سکا کہ ان کیسز میں کتنے نئے ویرینٹ سے منسلک ہیں۔

اسٹریٹس ویرینٹ کی علامات عمومی کووڈ جیسی ہی ہیں۔ لیکن ایک نمایاں علامت ڈسفونیا (آواز بیٹھ جانا یا خراب ہوجانا) کو قرار دیا گیا ہے۔ اس سے قبل ویرینٹ ’نِمبس‘ میں غیرمعمولی گلے کی خراش کو نمایاں علامت کہا گیا تھا۔

نئے ویرینٹ کی ایک قسم ایکس ایف جی یورپ، جنوب مشرقی ایشیا اور امریکہ میں بھی رپورٹ ہوئی ہے۔ عالمی ادارہ صحت (ڈبلیو ایچ او) نے ایکس ایف جی کو “مانیٹر کیے جانے والا ویرینٹ” قرار دیا ہے. اور کہا ہے کہ فی الحال یہ عالمی صحت کے لیے بڑا خطرہ نہیں۔

ماہرین کا کہنا ہے کہ فی الحال کوئی شواہد موجود نہیں کہ اسٹریٹس ویرینٹ سنگین بیماری یا اموات کا باعث بنتا ہے۔ اور موجودہ ویکسینز اس نئے ویرینٹ کے خلاف مؤثر ہیں کہ نہیں۔ خواہ وہ علامات کو کم کرنے کے لیے ہوں یا سنگین بیماری سے بچاؤ کے لیے ہوں۔