ولایت نہ صرف صحت بلکہ عبادات کی قبولیت، جیسے نماز، روزہ اور حج، کی شرط ہے: آیۃ اللہ العظمیٰ شیرازی

ولایت نہ صرف صحت بلکہ عبادات کی قبولیت، جیسے نماز، روزہ اور حج، کی شرط ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 29 ربیع الاول 1447 ہجری کو منعقد ہوا۔
جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمی شیرازی نے ولایت کو عبادات کی صحت یا قبولیت کی شرط قرار دینے کے سلسلہ میں فرمایا: یہ مسئلہ فقہاء کے درمیان موردِ اختلاف ہے، لیکن مشہور فقہا کی رائے، ان روایات کی بنا پر جو یا تو معنوی یا اجمالی طور پر متواتر ہیں، یہ ہے کہ ولایت تمام عبادات ـ نماز، روزہ اور حج سمیت ـ کی صحت کی شرط ہے۔

معظم لہ نے مزید فرمایا: لیکن اگر کوئی شخص مرنے سے پہلے مستبصر (حق کو پہچان لے اور شیعہ اثناء عشری) ہو جائے تو خداوند متعال اس کی گذشتہ عبادات سے درگذر فرماتا ہے، اور اس کی نماز، روزہ اور حج کی قضا یا اعادہ لازم نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔