انسان صرف اپنی زندگی میں اپنے اموال کا مالک ہے، مرنے کے بعد صرف ایک تہائی میں وصیت نافذ ہوگی: آیۃ اللہ العظمیٰ شیرازی
انسان صرف اپنی زندگی میں اپنے اموال کا مالک ہے، مرنے کے بعد صرف ایک تہائی میں وصیت نافذ ہوگی: آیۃ اللہ العظمیٰ شیرازی
مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور اتوار 21 ربیع الاول 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔
آیۃ اللہ العظمیٰ شیرازی نے مرنے کے بعد میت کے مال کی ذمہ داری کے سلسلہ میں فرمایا: انسان اپنی زندگی میں اپنی تمام جائیداد کا مالک ہوتا ہے اور اپنی جائیداد میں سے جتنا چاہے دوسروں کو دے سکتا ہے۔
معظم لہ نے مزید فرمایا: لیکن اپنے بعد کے لئے صرف ایک تہائی مال میں وصیت کر سکتا ہے کہ اس کی وصیت کے مطابق خرچ کیا جائے۔
معظم لہ نے فرمایا: ایک تہائی سے زیادہ مال میں انسان کے لئے وصیت کرنا جائز نہیں ہے اور باقی مال خرچ کرنے کے لئے وارثین کی اجازت ضروری ہے۔
واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔
