آیۃ اللہ العظمیٰ شیرازی

ہدایت کا مطلب راستہ دکھانا اور منزل تک پہنچانا بھی ہے، دوسری قسم میں غلطی کا امکان نہیں ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 20 ربیع الاول 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے ہدایت کے مطلب کے سلسلہ میں فرمایا: جیسا کہ لغت میں اور قرآن کریم میں بھی اشارہ کیا گیا ہے کہ اس کے دو مطلب ہیں۔

معظم لہ نے مزید فرمایا: ہدایت کا ایک مطلب رہنمائی اور راستہ دکھانا ہے مثلا کوئی آپ سے حرم کے راستے کے سلسلے میں پوچھے تو آپ اس کو راستہ بتا دیں۔

انہوں نے فرمایا: اس ہدایت میں اگرچہ رہنمائی کی گئی ہے لیکن ممکن ہے کہ وہ شخص صحیح راستے پر نہ جائے اور بھٹک جائے۔

آیۃ اللہ العظمیٰ شیرازی نے فرمایا: لیکن ہدایت کا دوسرا مطلب ايصال الى المطلوب یعنی منزل تک پہنچانا ہے کہ اس صورت میں مثلا اگر کسی نے حرم کا راستہ پوچھا تو ہم پوچھنے والے کے ہم راہ چلیں اور اسے منزل تک پہنچا دیں۔

معظم لہ نے فرمایا: قرآن کریم میں دونوں مفہوم بیان ہوئے ہیں۔

انہوں نے فرمایا: ہدایت کے پہلے معنی میں غلطی کا امکان ہے لیکن دوسرے معنی میں غلطی کا امکان نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔