امام جعفر صادق علیہ السلام کی روایت کے مطابق شیعہ اہل بیت علیہم السلام کی خوشی میں خوش اور ان کے غم میں غمگین ہوتے ہیں: آیۃ اللہ العظمیٰ شیرازی

امام جعفر صادق علیہ السلام کی روایت کے مطابق شیعہ اہل بیت علیہم السلام کی خوشی میں خوش اور ان کے غم میں غمگین ہوتے ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور جمعرات 11 ربیع الاول 1447 ہجری کو منعقد ہوا. جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے شعائر الہی کی وضاحت کرتے ہوئے فرمایا: شعائر الہی یعنی ہر وہ چیز جس میں معصومین علیہم السلام کی تعظیم ہو۔

معظم لہ نے مزید فرمایا: لہذا کھانا کھلانا، مجالس عزا برپا کرنا، محافل منعقد کرنا، سجاوٹ کرنا اور ہر وہ کام جس سے اہل بیت علیہم السلام کی تعظیم سمجھی جائے شعائر الہی ہے۔ البتہ حرام کام انجام دینا یہاں مستثنیٰ ہے۔

انہوں نے شعائر الہی کی مزید وضاحت کرتے ہوئے فرمایا: اگر اس صورت میں کوئی حرام عمل نہ ہو اور لوگوں کے نزدیک اہل بیت علیہم السلام کی تعظیم سمجھی جائے تو یہ امام جعفر صادق علیہ السلام کی حدیث "شِیعَتُنا خُلِقُوا مِنْ فاضِلِ طِینِتِنا یَحْزَنُونَ لِحُزْنِنا و یَفْرَحُونَ لِفَرَحِنا” ہمارے شیعہ ہمارے فاضل طینت سے خلق ہوئے ہیں وہ ہماری خوشی میں خوش اور ہمارے غم میں غمگین ہوتے ہیں، کے مطابق ہے اور یہ شعائر الہی سمجھا جائے گا۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔