کالا لباس پہننا مطلقا مکروہ نہیں ہے اور اس سلسلہ میں غالبا معتبر روایات نہیں ہیں: آیۃ اللہ العظمیٰ شیرازی

کالا لباس پہننا مطلقا مکروہ نہیں ہے اور اس سلسلہ میں غالبا معتبر روایات نہیں ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 10 ربیع الاول 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے کالے کپڑے پہننے کے سلسلہ میں فرمایا: کالے کپڑے پہننے کے مکروہ ہونے کے سلسلہ میں غالبا کوئی معتبر روایت نہیں ہے۔ اس لئے بعض فقہاء کا خیال ہے کہ سیاہ لباس پہننا بالکل مکروہ نہیں ہے۔

معظم لہ نے مزید فرمایا: البتہ فقہاء کے درمیان یہ بات مشہور ہے کہ جو امور لازم و ضروری نہیں ہیں۔ سنن، مستحبات اور مکروہات میں ہمیں سند کے ساتھ روایت کی ضرورت نہیں ہے۔

انہوں نے فرمایا: صحیحہ ہشام کی روایت کے مطابق امام جعفر صادق علیہ السلام سے منقول ہے کہ لازم و ضروری امور کے علاوہ یعنی جو واجب اور حرام نہیں ہیں ان میں یہ روایات صحیح ہیں۔ جن میں کالا کپڑا پہننا بھی شامل ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔