ویتنام میں سمندری طوفان ‘جیکی’ کے باعث شدید بارشیں اور سیلاب، 3 افراد ہلاک
ویتنام میں سمندری طوفان ‘جیکی’ کے باعث شدید بارشیں اور سیلاب، 3 افراد ہلاک
ویتنام میں سمندری طوفان ‘جیکی’ نے شدید تباہی مچائی، جس کے نتیجے میں کم از کم 3 افراد ہلاک اور متعدد زخمی ہو گئے ہیں۔ حکام کے مطابق طوفان نے مختلف علاقوں میں مکانات کو نقصان پہنچایا اور بجلی و پانی کی فراہمی متاثر ہوئی۔
متاثرہ علاقوں میں ریسکیو ٹیمیں اور امدادی ادارے فوری طور پر پہنچ گئے ہیں اور شہریوں کی حفاظت کے لیے اقدامات جاری ہیں۔
محکمہ موسمیات نے طوفان کے مزید شدت اختیار کرنے اور متاثرہ علاقوں میں خطرات بڑھنے کا امکان ظاہر کیا ہے۔
غیر ملکی میڈیا کے مطابق ویتنام میں سمندری طوفان کاجیکی نے تباہی مچائی ہوئی ہے جس کے نتیجے میں شدید بارشیں، لینڈ سلائیڈنگ اور سیلابی صورتحال پیدا ہوگئی ہے۔
میڈیا رپورٹس کے مطابق طوفان کی وجہ سے مختلف حادثات میں 3 افراد ہلاک اور 10 افراد زخمی ہوئے ہیں جب کہ 7 ہزار کے قریب گھروں کو بھی نقصان پہنچا ہے۔
اس کے علاوہ 28 ہزار ایکڑ پر کھڑی چاول کی فصل زیرآب آگئی اور 18 ہزار درخت گرگئے جب کہ بجلی کے کھمبے گرنے کی وجہ سے کئی صوبے تاریکی میں ڈوب گئے۔
موسمیاتی ایجنسی نے خبردار کیا ہے کہ شمالی ویتنام کے کئی حصوں میں بارشیں جاری رہیں گی جس کے سبب کچھ علاقوں میں 6گھنٹے کے دوران 150 ملی میٹر تک بارش ہونے کا خدشہ ہے۔
جو ممکنہ طور پر سیلاب اور لینڈ سلائیڈنگ کا سبب بن سکتا ہے۔
