نئی دہلی کی وزیر اعلیٰ پر قاتلانہ حملہ؛ حملہ آور راجیش سکاریا
نئی دہلی کی وزیر اعلیٰ پر قاتلانہ حملہ؛ حملہ آور راجیش سکاریا
اپوزیشن نے اس حملے کی مذمت کی ساتھ ہی برسر اقتدار حکومت کے سیکورٹی نظام پر تنقید کی
نئی دہلی کی وزیراعلیٰ ریکھا گپتا پر آج صبح اِن کی رہائش گاہ پر منعقدہ کھلی کچہری کے دوران ایک چالیس سالہ شخص نے قاتلانہ حملہ کردیا۔
بھارتی میڈیا رپورٹس کے مطابق نئی دہلی کی وزیراعلیٰ ریکھا گپتا پر حملہ کرنے والے شخص کو حراست میں لے کر تفتیش شروع کردی گئی ہے۔ حملہ آور کی شناخت راجیش سکاریا کے نام سے ہوئی ہے۔
عینی شاہدین کے مطابق حملہ آور کچھ کاغذات کے ساتھ وزیراعلیٰ کے قریب آیا اور بات کرنے کے دوران اچانک حملہ کردیا۔
بھارتی میڈیا کے مطابق وزیراعلیٰ کو فوراً اسپتال منتقل کردیا گیا، پولیس کمشنر ایس بی کے سنگھ کا اس سے متعلق کہنا ہے کہ یہ معاملہ ایک بڑی سیکیورٹی ناکامی ہے اور اس کی اعلیٰ سطح پر تحقیقات ہوگی۔
