راہل گاندھی کا 2024 لوک سبھا انتخابات میں "بڑے پیمانے پر ووٹر فراڈ” کا الزام
راہل گاندھی کا 2024 لوک سبھا انتخابات میں "بڑے پیمانے پر ووٹر فراڈ” کا الزام
کانگریس کے رہنما راہل گاندھی نے بھارت کے الیکشن کمیشن (ECI) پر بھارتیہ جنتا پارٹی (BJP) کے ساتھ ملی بھگت کا الزام لگاتے ہوئے کہا ہے کہ 2024 کے لوک سبھا انتخابات میں "بڑے پیمانے پر ووٹر فراڈ” اور "ووٹ چوری” ہوئی ہے، جیسا کہ اخبار "دی ہندو” نے رپورٹ کیا۔
ایک حالیہ پریس کانفرنس کے دوران، راہل گاندھی نے دعویٰ کیا کہ ان کے پاس جعلی اور دہری ووٹر لسٹوں، اور جعلی پتوں والے ووٹرز کے "ٹھوس شواہد” موجود ہیں۔ انہوں نے کہا کہ ان کی ٹیم نے یہ معلومات اکٹھی کرنے میں چھ ماہ صرف کیے۔ انہوں نے اس حوالے سے بنگلور سنٹرل لوک سبھا حلقے میں موجود مہادیوپورا اسمبلی سیگمنٹ کی مثال دی، جہاں کانگریس نے سات میں سے چھ سیگمنٹس میں کامیابی حاصل کی، لیکن مہادیوپورا میں وہ ایک لاکھ 14 ہزار سے زائد ووٹوں سے ہار گئی، جس کا الزام انہوں نے فراڈ ووٹنگ پر عائد کیا۔
راہل گاندھی کے ان دعوؤں کے جواب میں، کرناٹک کے چیف الیکٹورل آفیسر نے ان سے درخواست کی ہے کہ وہ ایسے ووٹرز کے نام اور ثبوت فراہم کریں، اور یہ معلومات حلف نامے کے ساتھ جمع کرائیں۔ راہل گاندھی نے عدلیہ سے بھی مداخلت کی اپیل کی اور کہا کہ اگر الیکشن کمیشن مشین ریڈایبل ڈیٹا اور سی سی ٹی وی فوٹیج فراہم کرنے میں ناکام رہا تو وہ بھی اس جرم میں شریک سمجھا جائے گا۔
