ائمہ اطہار علیہم السلام نے کسی کو بھی کربلا معلی میں رکنے اور قیام کرنے سے منع نہیں کیا: آیۃ اللہ العظمیٰ شیرازی

ائمہ اطہار علیہم السلام نے کسی کو بھی کربلا معلی میں رکنے اور قیام کرنے سے منع نہیں کیا: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور اتوار 8 صفر الاحزان 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے امام حسین علیہ السلام کی زیارت کی اہمیت کے سلسلہ میں فرمایا: مختلف روایات سے یہی نتیجہ نکلتا ہے کہ امام حسین علیہ السلام کی زیارت تمام چیزوں پر مقدم ہے۔

معظم لہ نے کربلا معلی میں رہنے کے سلسلہ میں فرمایا: ایک روایت میں امام حسین علیہ السلام کی زیارت کے لئے ماہ رمضان المبارک کی آخری دس راتوں میں کربلا معلی میں قیام کرنے پر زور دیا گیا ہے۔

انہوں نے مزید فرمایا: ایک دوسری روایت میں امام جعفر صادق علیہ السلام نے فرمایا کہ اگر چاہتا تو کربلا میں رہتا اور وہیں سکونت اختیار کرتا۔

آیۃ اللہ العظمیٰ شیرازی نے فرمایا: ائمہ اطہار علیہم السلام نے کسی کو بھی کربلا معلی میں رکنے اور قیام کرنے سے منع نہیں کیا۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔