متعدد فقہاء کے نزدیک زیارت امام حسین علیہ السلام حج کی طرح زندگی میں ایک بار واجب ہے: آیۃ اللہ العظمیٰ شیرازی
متعدد فقہاء کے نزدیک زیارت امام حسین علیہ السلام حج کی طرح زندگی میں ایک بار واجب ہے: آیۃ اللہ العظمیٰ شیرازی
مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور ہفتہ 30 محرم الحرام 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔
آیۃ اللہ العظمیٰ شیرازی نے زیارت امام حسین علیہ السلام کے واجب ہونے کے سلسلہ میں بعض فقہاء کے نظریات کو بیان کرتے ہوئے فرمایا: فقہاء کے نزدیک مشہور ہے کہ زیارت امام حسین علیہ السلام مستحب ہے اور حج کی طرح واجب نہیں ہے۔
معظم لہ نے مزید فرمایا: البتہ علامہ محمد باقر مجلسی رحمۃ اللہ علیہ اور علامہ محمد تقی مجلسی رحمۃ اللہ علیہ جیسے متعدد فقہاء کے نزدیک زیارت امام حسین علیہ السلام حج کی طرح زندگی میں ایک بار واجب ہے۔
واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔
