آیت اللہ العظمیٰ شیرازی کی بعثہ اور عالمی مرجعیت چینل کے دفتر کی کربلا میں اربعین کے موقع پر تیاریوں کا آغاز

اربعین حسینی کے زیارتی ایام کے قریب آنے کے ساتھ ہی، مرجع عالیقدر آیت اللہ العظمیٰ سید صادق حسینی شیرازی کی بعثہ اور عالمی مرجعیت چینل کا دفتر، جو شہر مقدس کربلا میں واقع ہے، اپنے تبلیغی اور ثقافتی کاموں کے آغاز کے لیے تیاریاں کر رہا ہے۔

یہ مرکز، جو حرم مطہر امام حسین علیہ السلام کے باب القبله اسٹریٹ پر، حوزہ حضرت سید الشہداء علیہ السلام کے سامنے واقع ہے، جلد ہی زائرین حسینی کا استقبال کرے گا اور اربعین حسینی کی زیارت کی براہ راست کوریج اور خصوصی پروگرامز کی تیاری کا مرکز بنے گا۔

آیت اللہ العظمیٰ شیرازی کی بعثہ کے پروگراموں میں مراجع کرام کے نمائندوں اور علمی و مذہبی شخصیات کی شرکت، شرعی و عقائدی مسائل کے جوابات، نماز جماعت کا قیام، فکری نشستیں، اور آیت اللہ العظمیٰ شیرازی کے علمی و ثقافتی آثار کی تقسیم شامل ہے۔