اسلامی ممالک میں قید کی سزاؤں کا کوئی شرعی معیار نہیں ہے: آیۃ اللہ العظمیٰ شیرازی

اسلامی ممالک میں قید کی سزاؤں کا کوئی شرعی معیار نہیں ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور جمعرات 21 محرم الحرام 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے ممالک میں عدالتی احکام کے نفاذ کے حوالے سے فرمایا: اسلامی ممالک میں قید کی سزاؤں کا کوئی شرعی معیار نہیں ہے۔

معظم لہ نے مزید فرمایا: احکام کے نفاذ کے لئے شرعی معیار اور تقاضہ یہ ہے کہ یہ احکام کسی فقیہ جامع الشرائط نے جاری کئے ہوں یا انہیں فقیہ جامع الشرائط نے اجازت دی ہو۔

انہوں نے بعض ممالک میں قیدیوں کو قید کے بجائے جبری مشقت کی سزاؤں کے سلسلہ میں فرمایا: اگر یہ احکام براہ راست فقیہ جامع الشرائط یا ان کی اجازت سے جاری ہوں تو اس میں حرج نہیں ہے وگرنہ یہ شرعی نہیں ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔