روایات میں جسے امام عدل کہا گیا ہے اس سے مراد امام معصوم علیہ السلام ہیں: آیۃ اللہ العظمیٰ شیرازی

روایات میں جسے امام عدل کہا گیا ہے اس سے مراد امام معصوم علیہ السلام ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور منگل 19 محرم الحرام 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے روایات میں امام عدل کے مفہوم کے سلسلہ میں فرمایا: روایات میں جسے امام عدل کہا گیا ہے اس سے مراد امام معصوم علیہ السلام ہیں۔

معظم لہ نے مزید فرمایا: کیونکہ اس تعبیر سے جو تبادر ہے وہ صرف امام معصوم علیہ السلام ہیں اور تبادر حجت ہے۔

آیۃ اللہ العظمیٰ شیرازی نے فرمایا: اگرچہ بعض افراد نے امام عدل سے مراد غیر معصوم کو بھی لیا ہے لیکن فقہاء کے درمیان یہ بات مشہور ہے کہ روایتوں میں امام عدل سے مراد صرف معصوم امام علیہ السلام ہیں۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔