اگر عورت کی آواز نارمل ہو تو اسے سننا مرد اور عورت دونوں کے لئے حرام نہیں ہے: آیۃ اللہ العظمیٰ شیرازی

اگر عورت کی آواز نارمل ہو تو اسے سننا مرد اور عورت دونوں کے لئے حرام نہیں ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 18 محرم الحرام 1447 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے نامحرم عورت کی آواز سننے کے سلسلہ میں فرمایا: یہ مسئلہ ہزار سال سے فقہاء کے درمیان مشہور ہے کہ عورت کے لئے نہ نامحرم کو اپنی آواز سنانا حرام ہے اور نہ ہی نامحرم کے لئے سننا حرام ہے۔

معظم لہ نے مزید فرمایا: لہذا اگر عورت کی آواز نارمل ہو تو اسے سننے میں کوئی حرج نہیں ہے، مگر یہ کہ وہ مردوں کی شہوت کو ابھارے، ایسی صورت میں مرد اور عورت دونوں کے لئے حرام ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔