نئی دہلی میں زلزلے کے شدید جھٹکے

نئی دہلی میں زلزلے کے شدید جھٹکے

جمعرات کی صبح نئی دلی اور نیشنل کیپیٹل ریجن (این سی آر)میں زلزلے کے شدید جھٹکے محسوس کئے گئے ۔
بھارتی نیشنل سینٹر فار سیزمولوجی (NCS) کے مطابق زلزلے کی شدت ریکٹر اسکیل پر 4.4 ریکارڈ کی گئی، اور اس کا مرکز ریاست ہریانہ کے جھجر علاقے میں 10 کلومیٹر گہرائی میں تھا۔
رپورٹ کے مطابق زلزلہ صبح 9 بج کر 4 منٹ پر آیا، جس کے نتیجے میں دہلی، نوئیڈا، غازی آباد اور گروگرام سمیت این سی آر کے مختلف علاقوں میں زمین ہلتی محسوس ہوئی۔
زلزلے کے جھٹکوں کے بعد لوگوں میں خوف و ہراس پھیل گیا اور متعدد رہائشی اپنے گھروں سے باہر نکل آئے۔سوشل میڈیا پر ایسی متعدد ویڈیوز سامنے آئیں جن میں پنکھے اور دیگر گھریلو اشیا کو ہلتے ہوئے دیکھا جا سکتا ہے تاحال زلزلے کے نتیجے میں کسی جانی نقصان یا زخمی ہونے کی اطلاع موصول نہیں ہوئی۔