ہارورڈ یونیورسٹی کی رپورٹ: غزہ میں 3 لاکھ 77 ہزار افراد لاپتہ، جن میں نصف بچے ہیں
ہارورڈ یونیورسٹی کی رپورٹ: غزہ میں 3 لاکھ 77 ہزار افراد لاپتہ، جن میں نصف بچے ہیں
ہارورڈ یونیورسٹی کے ڈیٹا پلیٹ فارم کے مطابق، بن گوریون یونیورسٹی کے ایک پروفیسر کی تازہ تحقیق سے انکشاف ہوا ہے کہ 2023 میں اسرائیل کے غزہ پر حملوں کے آغاز سے اب تک کم از کم 3 لاکھ 77 ہزار افراد لاپتہ ہو چکے ہیں۔
تحقیق میں اس بات پر زور دیا گیا ہے کہ لاپتہ افراد میں نصف تعداد بچوں کی ہے۔
یہ مطالعہ ڈاکٹر یاکوف گارب نے ڈیٹا تجزیہ اور فضائی نقشہ بندی (اسپیشل میپنگ) کی بنیاد پر تیار کیا ہے۔
رپورٹ کے مطابق، سرکاری طور پر 61 ہزار ہلاکتیں ظاہر کی گئی ہیں، لیکن یہ اعداد و شمار اصل حقیقت کی عکاسی نہیں کرتے کیونکہ بہت سے متاثرین اب بھی ملبے تلے دبے ہوئے ہیں۔
لاپتہ افراد کی تعداد غزہ کی سابقہ آبادی کے تقریباً 17 فیصد کے برابر ہے۔
اس تحقیق میں غزہ کی آبادی میں شدید کمی، شہری علاقوں کی وسیع تباہی، اور اسرائیل کی طرف سے کیے گئے انسانی محاصرے کی نشاندہی کی گئی ہے، جو کہ مجموعی طور پر ایک بے مثال انسانی المیے کا سبب بنا ہے۔
