شیخ حسینہ کو وطن واپسی کا حکم، عدم پیشی پر 24 جون سے عدالتی سماعت بغیر ان کے جاری ہوگی
شیخ حسینہ کو وطن واپسی کا حکم، عدم پیشی پر 24 جون سے عدالتی سماعت بغیر ان کے جاری ہوگی
ڈھاکہ سے موصولہ خبر کے مطابق بنگلہ دیش کی جنگی جرائم کی عدالت نے سابق وزیراعظم شیخ حسینہ کو انسانیت کے خلاف جرائم کے مقدمے کا سامنا کرنے کے لیے وطن واپس آنے کا حکم دیا ہے۔ اگر وہ 24 جون تک واپس نہ آئیں تو ان کے بغیر عدالتی سماعت شروع کر دی جائے گی۔ 77 سالہ حسینہ اگست 2024 میں طلبہ کی قیادت میں ہونے والی بغاوت کے دوران ہیلی کاپٹر کے ذریعے بھارت فرار ہو گئی تھیں اور انہوں نے حوالگی کے حکم کو تسلیم کرنے سے انکار کیا ہے۔
اقوام متحدہ کے مطابق جولائی اور اگست 2024 کے دوران بنگلہ دیش میں 1,400 افراد مارے گئے تھے۔ استغاثہ کے مطابق حسینہ نے مظاہروں کو دبانے کے لیے سیکورٹی فورسز کو احکامات دیے تھے۔ ان پر پانچ الزامات عائد کیے گئے ہیں جن میں اکسانا، ملوث ہونا، سہولت کاری، سازش اور قتل عام روکنے میں ناکامی شامل ہے۔ مقدمے میں ان کے ساتھ سابق وزیر داخلہ اسد الزماں خان کمال (جو مفرور ہیں) اور سابق پولیس چیف چودھری عبداللہ المامون (جو زیر حراست ہیں) بھی شامل ہیں۔ یہ مقدمہ اپوزیشن جماعتوں کا دیرینہ مطالبہ تھا۔ عبوری حکومت نے 2026 میں انتخابات کرانے کا اعلان کیا ہے۔
