برطانیہ، آسٹریلیا، کنیڈا، نیوزی لینڈ اور ناروے کی 2؍ اسرائیلی وزراء پر پابندی

برطانیہ، آسٹریلیا، کنیڈا، نیوزی لینڈ اور ناروے کی 2؍ اسرائیلی وزراء پر پابندی

برطانوی حکومت نے کہا کہ برطانیہ، آسٹریلیا، کنیڈا، نیوزی لینڈ اور ناروے نے دو اسرائیلی وزراء کے خلاف ’’فلسطینیوں کے خلاف تشدد کو بار بار بھڑکانے ‘‘ پر پابندیوں کا اعلان کیا ہے۔ برطانیہ کی وزارت خارجہ نے منگل کو ایک بیان میں کہا کہ اسرائیل کے وزیر خزانہ بیزالیل اسموٹریچ اور نیشنل سیکوریٹی کے وزیر بین گویئر پر سفری پابندی اور اثاثے منجمد کئے جائیں گے۔ قبل ازیں ٹائمز نے اطلاع دی تھی کہ غزہ میں جنگ کے حوالے سے ان کے طرز عمل پر پابندیاں عائد کی جائیں گی۔ اس فیصلے پر ردعمل ظاہر کرتے ہوئے اسرائیل کے وزیر خارجہ گیڈون سار نے کہا کہ یہ اقدام ’’اشتعال انگیز‘‘ ہے۔ سار نے نامہ نگاروں کو بتایا کہ حکومت اگلے ہفتے کے اوائل میں ایک خصوصی اجلاس منعقد کرے گی جس کا فیصلہ کیا جائے گا کہ اس ’’ناقابل قبول فیصلے‘‘ کا جواب کیسے دیا جائے۔