الہی صفات کو غیر خدا کی جانب منسوب کرنے کو غلو کہتے ہیں: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور منگل 22 ذی القعدہ 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے غلو کے معنی کے سلسلہ میں فرمایا: غلو یعنی الہی صفات کو غیر خدا کے لئے استعمال کرنا۔

آیۃ اللہ العظمیٰ شیرازی نے امیر المومنین امام علی علیہ السلام کے مقام و مرتبہ کی تعظیم و تجلیل میں اعتدال کی ضرورت پر زور دیتے ہوئے فرمایا: ہمیں اس سلسلہ میں اعتدال کا خیال رکھنا چاہیے اور غلو یا تقصیر سے پرہیز کرنا چاہیے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔