عرف میں ضرورت کے علاوہ مصنوعی ناخن لگانا جائز نہیں ہے، وضو اور غسل میں پانی کا بدن تک پہنچنا ضروری ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 21 ذی القعدہ 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے وضو اور غسل کے لئے مصنوعی ناخن جن میں روح اور حیات نہیں ہوتی ہے، کے جائز ہونے کے سلسلہ میں فرمایا: اگر عرف میں اس کی ضرورت نہ ہو تو جائز نہیں ہے، وضو اور غسل میں پانی کا جلد تک یعنی جسم کی سطح تک پہنچنا ضروری ہے، چونکہ یہ پانی کو جلد تک پہنچنے سے روکتا ہے اس لئے رکاوٹ کو دور کرنا ضروری ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔