فرانس کے صدر ایمانوئل میکرون نے منگل کو کھیلوں کے مقابلوں میں حجاب پر پابندی کی حمایت کا اظہار کیا، ان کا کہنا ہے کہ کھیلوں کے مقابلوں میں مذہبی علامات کیلئے کوئی جگہ نہیں ہونی چاہئے۔ انہوں نے ٹی ایف ۱؍ کو انٹرویو دیتے ہوئے کہا، ’’میں اولمپک چارٹر کی حمایت کرتا ہوں، جو کھیلوں کے مقابلوں میں تمام مذہبی علامات کے استعمال پر پابندی عائد کرتا ہے۔‘‘
انہوں نے کھیلوں کی سہولیات میں کھیلنے اور مقابلوں میں حصہ لینے کے درمیان فرق کرتے ہوئے کہا کہ یہ فیڈریشن پر منحصر ہے کہ وہ حجاب پر پابندی عائد کرتا یا نہیں۔ انہوں نے مزید کہا، "جب آپ مقابلے میں ہوتے ہیں، تو اس میں مذہبی علامات کے لیے جگہ نہیں ہے،” اور ’’عملیت پسندی‘‘ کی اپیل کرتے ہوئے کہا کہ فرانسیسی قانون اسے ممنوع نہیں کرتا۔ میکرون نے تارکین وطن، پنشن اصلاحات، موت میں معاون ،اور عوامی مالیات جیسے مسائل پر ریفرنڈم کرانے کے بارے میں سوالات کے جوابات بھی دیے۔ انہوں نے آئندہ چند مہینوں میں کئی ریفرنڈم منعقد کرنے کے خیال کی حمایت کا اظہار کیا۔ انہوں نے کہا، ’’خیال یہ ہے کہ ہم اپنے شہریوں سے بڑے اقتصادی یا سماجی اصلاحات کے بارے میں رائے لیں۔ جون تک حکومت کئی اصلاحات پیش کرے گی، اور پھر میں دیکھوں گا کہ کون سی اصلاحات ہیں۔‘‘
