مشرقی جمہوریہ کانگو کے صوبہ ساؤتھ کیوو میں شدید بارشوں کے باعث آنے والے اچانک سیلاب میں 100 سے زائد افراد ہلاک ہو گئے جبکہ متعدد افراد لاپتہ ہیں۔
رات بھر جاری رہنے والی موسلا دھار بارش نے علاقے میں تباہی مچا دی، کئی گھروں کو نقصان پہنچا اور درجنوں خاندان بے گھر ہو گئے۔
یہ علاقہ بارشوں کے موسم کے اختتام کے قریب ہے، لیکن اگلے دنوں میں مزید بارشوں کی پیشگوئی کی گئی ہے، جس سے خطرات بدستور موجود ہیں۔
ریسکیو کارروائیاں جاری ہیں تاہم خراب موسم اور دشوار گزار راستے امدادی کاموں میں رکاوٹ بن رہے ہیں۔ مقامی حکام متاثرہ علاقوں میں امدادی سرگرمیوں کے ساتھ ساتھ نقصانات کا تخمینہ لگانے اور لاپتہ افراد کی تلاش میں مصروف ہیں۔
