اگر کوئی انسان کسی کام کے انجام دہی کی استطاعت نہ رکھتا ہو تو وہ اس پر فرض نہیں ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور پیر 14 ذی القعدہ 1446 ہجری کو منعقد ہوا. جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے انسانوں کے فرائض کی انجام دہی کے سلسلہ میں فرمایا: رسول اللہ صلی اللہ علیہ وآلہ نے فرمایا: "رُفِعَ عَنْ أُمَّتِيَ مَا لاَ يُطِيقُونَ” (میری امت پر وہ ذمہ داری نہیں جسے وہ انجام نہیں دے سکتے۔) لہذا شرعی فرائض کی انجام دہی میں انسان کو کوئی کام اس حد تک کرنا چاہیے جس حد تک اس میں طاقت ہو، لیکن اگر کسی انسان میں اس کی طاقت نہ ہو تو اس سے وہ فرض اٹھا لیا جاتا ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔