ایمبولینس پر 4 افراد کو غیر قانونی حج کرانے کی کوشش میں بھارتی شہری گرفتار

مکہ مکرمہ: سعودی حج سکیورٹی فورسز نے حج ضوابط کی خلاف ورزی پر بھارتی شہری کو گرفتار کیا، حکام کے مطابق مذکورہ شخص ایمبولینس کے ذریعے بغیر اجازت نامے کے چار رہائشیوں کو مکہ مکرمہ لے جانے کی کوشش کر رہا تھا۔

میڈیارپورٹ میں بتایا گیا ہے کہ اسی کارروائی کے دوران ایک مصری شہری کو بھی حراست میں لیا گیا جس نے سوشل میڈیا پر جعلی حج پرمٹ کا اشتہار جاری کیا تھا، سکیورٹی اداروں کا کہنا ہے کہ حج کے ضوابط کی خلاف ورزی کرنے والوں کے خلاف سخت قانونی کارروائی کی جائے گی۔

سعودی حکام نے عوام سے اپیل کی ہے کہ وہ حج سے متعلق کسی بھی غیر قانونی سرگرمی میں ملوث نہ ہوں اور صرف باقاعدہ اجازت نامے کے ذریعے ہی مقدس مقامات کا رخ کریں۔