شراب کی حرمت صرف اس لئے نہیں کہ یہ نشہ آور ہے بلکہ اس کا ایک ایک قطرہ بھی حرام اور نجس ہے: آیۃ اللہ العظمیٰ شیرازی

مرجع عالی قدر آیۃ اللہ العظمیٰ سید صادق حسینی شیرازی دام ظلہ کا روزانہ کا علمی جلسہ حسب دستور بدھ 9 ذی القعدہ 1446 ہجری کو منعقد ہوا۔ جس میں گذشتہ جلسات کی طرح حاضرین کے مختلف فقہی سوالات کے جوابات دیے گئے۔

آیۃ اللہ العظمیٰ شیرازی نے شراب کی حرمت و نجاست کے سلسلہ میں فرمایا: خمر حرام اور نجس دونوں ہے اور اس سلسلہ میں دو باتوں کا خیال رکھنا ضروری ہے۔ اول: خمر خاص طور سے حرام اور نجس ہے۔ دوم: نشہ آور چیز خواہ وہ خمر نہ بھی ہو تب بھی حرام اور نجس ہے۔

آیۃ اللہ العظمیٰ شیرازی نے مزید فرمایا: اس کے علاوہ یہ بھی جاننا ضروری ہے کہ شراب کی حرمت اس لئے نہیں ہے کہ وہ فی الحال نشہ آور ہے بلکہ شراب کی خصوصیت یہ ہے کہ وہ نشہ آور ہے۔ اس لئے حرمت تمام شراب کے لئے ذکر کی گئی ہے حتی کہ اس کا ایک ایک قطرہ بھی حرام ہے۔

آیۃ اللہ العظمیٰ شیرازی نے فرمایا: لہذا یہ ممانعت کوئی سبب نہیں ہے بلکہ حکمت ہے اور یہ مسئلہ قرآن کریم کی آیات اور احادیث میں بارہا ذکر ہوا ہے۔ کیونکہ اگر یہ سبب ہوتا تو اس کے صرف ایک قطرے میں کوئی حرج نہیں تھا جو نشہ کا باعث نہ ہو لیکن چونکہ یہ حکمت ہے اس لئے اس کا ایک ایک قطر بھی نجس اور حرام ہے۔

واضح رہے کہ مرجع عالی قدر آیۃ اللہ العظمیٰ سید صادق حسینی شیرازی دام ظلہ کے یہ روزانہ علمی نشستیں قبل از ظہر منعقد ہوتی ہیں، جنہیں براہ راست امام حسین علیہ السلام سیٹلائٹ چینل کے ذریعے یا فروکوئنسی 12073 پر دیکھا جا سکتا ہے۔