ڈھاکا — بنگلادیشی فوج کے سابق میجر جنرل فضل الرحمان نے ایک غیر معمولی بیان میں تجویز دی ہے کہ اگر ہندوستان پاکستان پر حملہ کرتا ہے تو بنگلادیش کو فوری طور پر جواب دینا چاہیے۔
سابق جنرل نے سماجی رابطے کی ویب سائٹ پر جاری اپنے بیان میں کہا کہ اگر پلوامہ حملے جیسے کسی واقعے کے بعد خطے میں کشیدگی بڑھتی ہے اور ہندوستان پاکستان پر فوجی کارروائی کرتا ہے تو بنگلادیش کو ہندوستان کی شمال مشرقی ریاستوں پر حملہ کرکے ان پر کنٹرول حاصل کر لینا چاہیے۔
جنرل فضل الرحمان کا کہنا تھا کہ خطے میں توازنِ طاقت قائم رکھنے کے لیے بنگلادیش کو سفارتی اور عسکری سطح پر واضح مؤقف اپنانا ہوگا تاکہ وہ کسی ممکنہ جارحیت کے خلاف اپنی خودمختاری اور علاقائی ہم آہنگی کا تحفظ کر سکے۔
